बर्दियाको भौरा क्षेत्रका गाउँगाउँबाट राहत संकलन गरिदैँ छ । राजापुर नगरपालिकामा भएको सर्वदलीय बैठकको निर्णयका आधारमा १० वटै वडाका स्थानीयबाट भोटेकोशी नदीमा आएको विनाशकारी बाढीमा परी घरबार विहिन भएकालाई दिने उद्देश्यले राहत सामग्री र नगद सहयोग गरिएको हो । राजापुर नगरपालिका वडा नं. २ को कार्यालयको अगुवाइमा रसुवा जिल्लाको भोटेकोशीमा आएको विनाशकारी बाढीबाट प्रभावित परिवारका लागि राहत सामग्री र नगद सहयोग संकलन गरिएको गरेको बताउनु भयो । वडा अध्यक्ष रामचन्द्र चौधरीको संयोजकत्वमा वडाका विभिन्न गाउँबाट संकलित ३४ कुन्टल ५३ किलो चामल, गहुँ ३ कुन्टल ४७.५ केजी, ३२ लिटर तेल, २५ किलो नुन संकलन गरेर नगरपालिकामा बुझाईएको बताउनु भयो । वडा नं. ३ मुरैयाका वडघर धनीराम थारुले वडा कार्यालयबाट आएको पत्र अनुसार गाउँ भेला र छलफल गरी राहत सामग्री र नगद सहयोग संकलन गरिएको गरेको बताउनु भयो । गाउँको करिब २ सय घर परिवार बाट १० कुन्टल चामल र २६ हजार ३ सय ५० संकलन गरिएको बताउनु भयो । बडघरको घरमा संकलन गरिएको राहत सामग्री लिएर आएका स्थानीय गाउँबासीले आफूहरुले दिएको सहयोग र पैसा बास्तविक पीडितले पाउनु पर्ने बताएका थिए । पूर्व शिक्षक तथा समाजसेवी माधव प्रसाद रिमालले गाउँलले पवित्र भावनाले दिएको राहत र नगद जस्ताको त्यस्तै पुग्नु पर्ने र त्यसमा स्थानीय सरकार पालिका निकै चनाखो हुनु पर्ने बताउनु भएको थियो । वडा नं. ३ का वडाध्यक्ष प्रसादु थारुले हरेक वडाका गाउँगाउँबाट संकलन गरिएको राहत सामग्री र नगद नगरपालिकामा जम्मा गरेर वास्तविक पीडितको हातमा पु¥याउन सबै वडाध्यक्ष, नगर प्रमुख, नगर उपप्रमुख सहित जनप्रतिनिधिले समन्वय र खबरदारी गर्ने प्रतिबद्धता समेत जनाउनु भएको छ ।
