बर्दिया । नेपाली कम्युनिष्ट पार्टी बर्दिया जिल्लाले आगामी प्रतिनिधिसभा तथा राष्ट्रियसभा निर्वाचनका लागि बर्दिया जिल्लाबाट उम्मेदवारहरूको नाम सिफारिस गरेको छ।
पार्टी जिल्ला समितिका अनुसार मिति २०८२ फागुन २१ गते हुने प्रतिनिधिसभा निर्वाचन (प्रत्यक्ष/समानुपातिक) तथा मिति २०८२ माघ ११ गते हुने राष्ट्रियसभा निर्वाचन का लागि तत्कालीन पार्टी जिम्मेवारीका आधारमा उम्मेदवारहरूको नामावली सिफारिस गरिएको हो।
पार्टीले प्रतिनिधिसभा निर्वाचन क्षेत्र नं. १ (प्रत्यक्ष) तर्फ क. बामदेव गौतम, क. शक्ति बहादुर बस्नेत, क. सन्त कुमार बारु, क. बालकृष्ण खनाल, क. इन्दिरा सुवेदी र क. रेशम अधिकारीलाई सिफारिस गरेको छ।
यस्तै प्रतिनिधिसभा निर्वाचन क्षेत्र नं. २ (प्रत्यक्ष) तर्फ क. दुर्गा बहादुर बारु, क. नोकराज जैसी, क. सुरेश पन्त, क. चिन्तामणि आचार्य, क. बम बहादुर रावल, क. संजय थारु तथा क. सीता कुमारी अर्थातको नाम सिफारिस गरिएको जनाइएको छ।
त्यसैगरी राष्ट्रियसभा निर्वाचनतर्फ क. बुद्धिसागर अधिकारी, क. वैजनाथ झा, क. भवन कुमार बारु, क. अमर कामी, क. अतिक अहमद सिद्धिकी र क. राजेन्द्र सिंह लामिछानेको नाम सिफारिस गरिएको पार्टीले जनाएको छ।
पार्टीले सिफारिस गरिएका उम्मेदवारहरू पार्टीको नीति, सिद्धान्त र संगठनप्रतिको योगदानका आधारमा छनोट गरिएको जनाएको छ।
